Io no!
Io NO , nun me ne vaco!
Lasciate vuje pe'sempre
'sti vicule fetiente,
'Sta puzza ca nun saglie
'sti strade chiene 'e fuosse,
'stu mare ca respira
n'aria avvelenata.
Facesse 'na lavata!
trasenne casa casa
pe' piazze
pe' mercate
lavasse 'e monumente
'a capa 'e tutta 'a ggente
pecche' nisciuno lava!
So' muort tutte 'e spazzine
co' tifo, co' culere,
nun passa 'nu pulmanne
e se cammina a ppere!
Munnezza a tutt''e parte
te trase int' 'e cervelle,
se perde 'o sentiment.
Napule è 'na Signora:
Fa sempe finta 'e niente!
sta zitta, s'addulora
ma te surride semp.
Spurcatela cchiu' assaje!
Nisciun dice nient!
Io sulo m'allament
ma nun 'a lasse maje.